QAYBTII 18AAD:: Silsiladii Saamiya Iyo Sahal Axmed Cumar Xaaji oo ku Soo Laabtay

Sahal weeye magacaay
Sa'da xarafka maansada

Nin samaha kasheego
Ku saxiixan baan ahay

Sool iyo sanaag iyo
Sabadii togdheer iyo

Seeraha nugaal baan
Sugaanta dhaxashale,
Salkeedii kasoo helay

Ma seereyo marin kaan
Rabo inaan ku siibtee
Bal aan hoos u siidago

Ina yuusuf saaxiib
Salaan iga gudoonoo
Iga qabo sirtaan wado

Samow jacaylkaan
Sambab kaaga dagay oo
Saab kaaga jiifsaday

Sidaad noogu sheegtay
Sadar kaaga maansada

Saxayoo gudoomaye
Saanqadka sheekada
Sikastaba ha noqotee

Waxaan kula saxaayaa
jacayl inuu wax sababo
Uu yahay sun lagu go'ay

Aan kala sifeeyee
Sadex buu diloday

Nin saboola wuu dilay
Nin surleexsan wuu dilay
Nin sir gaaban wuu dilay

Sabab tiisu badataye
Allow adiga kaa sahal

Sir kalana bal iga hoo
Anoo soonahaas mudug

Subax geel ku foofshoo
Sulub caana heed dhama,

Sannadkuna barwaaqiyo
Seerma waydo guya yahay

Halaan saa u celiyoo
Surin kaan ka soobaxay

Gabar socod qurxoonoo
Riyo sii rogaysaan
Bidhan teda milicsaday

Saameshu waa hawd
Isla saacadii baan

Soo aaday Meeshii
yarta aan ka milic saday

Socod kaygi dabadeed
Soo gaaray inantii

Salaan baan u taago
Aan iri suleekhay
seetahay inadeer

Waxaay tiri saaxiibow
Salan taada waanabad

Suleekhana ma aan ihi
Ee hal keed u socotaa

Waxaan iri suleekhiyo
Gabdhuhu waa sacadiyiyo
Saamiya iyo fardowsee
Mideebad sahray tahay

Waxaay tiri saaxiibow
Samiyaan anigu ahaye
Sahraduna maxay tahay?

Soo daadag baan iri
Riyihii simbade oo
Sikay geeli aan waday

Saamiyaay ina adeer
Sabo reerku yaal sheeg

Waxaay tiri saaxiibow
Sadex bari hortood baan
Soo gaaray meeshoo
Runtii kuuma sixi karo
Sabo reerku yaalee
saaxiibow lasoco taas

Saane saamiyo cadey
Xagee sannadka maanta
Naga soo salantoo
Simaneey kasocotaaa

Say tiri saaxiibow
Hooyan soo yar gaaree
Baadiye sagaal sano
Socodkayga kuma marin

Warka aan kusiiyoo
Sarta kaaga jeexee
Xamar baan sannadahaan
Saaxiib ku noolahay

Sakantari iskulbaan
Sagaalad dhameeyoo
Wax barashaan sagoontiye

Saane saamiyo cadey
Sidee baad u aragtaa
Saaka waan kujecelahay?

Waxaay tiri saaxiibow
Inan baan sugaayoo
Sodon sano mudaabuu
Safar dheer kumaqan yahay
Marka waan samraayaa
Intaan sugayo wiilkaas

Saa, in taan u fiirshan
Su'aal kale ku celiyoo

Saan iri ina ader
Samir lama wadaagee
Aduu eebe kugu simay
Ma sodonsano nin maqan baa
Tiri saaka waan sugi
Samiyaay ina adeer
Saaka ani isoo raac

Waxaay tiri saaxiibow
Hadaad saa ileedahay

Jacayl siibe baatahay
Ee saaxiib nakala gee

Samiyo halkaas baan
Isku seegnay subaxaas

Ee su aal jawaab mudan
Saaxiib bal iga hoo

Ma nin kay sugaysoo
Saamiyo rabtaa tahay?

Mise wiil siraayoon
Sad u haynin baatahay?

Saaxiib hadaa tahay
Samiyo ninkii rabay
Sadex yaysan kaamudan

Ha oran seenyo riyamaal
Hana dhihin sarreen kari,
Hana dhihin Samaha diid
Sadex kalana waa u sade
Saaxiibow ogsoonow

Sool iyo sanaag iyo
Soonaha nugaal bari
Subax qura dal xiis gee

Geel sanada dhalay iyo
Ulis caano saafiya,

Ha oran sowjad yahay
Gurigaaga seexee
Xornimana u sii daa,

Hadiise aadan saaxiib
lixdaa sadar kabixi karin

Anaa saaka taagene
Igu saacid faataxo
Saamiyo inaan helo??

‪curiye‬ Shariif Ka Umada Soomaaliyeed